北海道かに將軍 札幌本店 -- 地圖

橫掂都係食，梗係食最好。

加上我一定要食毛蟹，結果叫左「天塩川」。

最鍾意食ズワイかにしゃぶ，本タラバ焼きかに同埋蜜瓜。

至於其他的試一次就夠。

極上うにと四季海鮮 うに むらかみ　函館本店 -- 地圖

自從上次響吉岡食堂食左新鮮海膽，已經掛住下次去函館要再更多...

呢間舖頭係好耐之前睇和味無窮介紹嘅，睇完之後記到而家。

雖然有曬地址，不過唔知點解會漏左響酒店唔記得羅。結果係搵左成個鐘先搵到。

活イカ刺（入荷時のみ）- 同第二日響朝市即釣即食嘅一樣噤好食。

如果你鍾意食海膽同生蠔一定要食佢嘅內臟，總好食過海膽。

自家製うに屋のウニグラタン - 早知叫個剩燒海膽啦

三色丼 - 暫時未響香港搵到一間拍得住佢嘅，就算係壽司廣嘅北海丼都要爭個馬鼻。

吉岡食堂 -- 地圖

佢係一間賣曬就收工嘅大排檔，門口有摺枱。

各種未開嘅貝殼類海鮮放曬響個架到，上面只有日文名同價錢牌，所以要食好野先上網試下個殼樣，如果唔係又係亂叫。

如果要多d選擇真係要早d去，早係叫朝早八點前去到。佢唔係香港d舖頭噤收埋d野賣完再refill，佢真係放曬出嚟，賣曬就無。

少少後悔無食到アワビ焼，只係食左ホッキ塩焼。而同新鮮うに都係無緣份。

函館海鮮料理 海光房 -- 地圖

臨時食呢間係之前搵うに むらかみ入左去宅急便問路，問左呢間海光房出嚟。

但係好後悔去左，因為唔好食...雖然好食過香港個d...

講完男仔講女仔。

最唔明係就算係星期六日，搵勻成街都無十分一嘅女仔係著牛仔褲。

明明放緊假都係短裙襪褲，化曬妝，高踭鞋噤出街，唔攰嘅咩?

總要見到兩個著短裙高踭鞋踩單車，突然間以為自己返左大陸。

定係香港唔再走上時代尖端呢?

※※※※※※※※※※※※※※※※※※※※※※※※※※※※※※※※※※

町のすし家 四季 花まる 時計台店 -- 地圖

個網址明明之前都去到，唔知點解而家唔得...

十分滿意，包括價錢同質素。

時計台店有中文menu，大部份菜名都有翻譯做中文。

我就當然預先請左特別嘉賓幫我將中文海鮮名譯做日文。

特別推介: 茶碗蒸 甜蝦 鮑魚

えびかに合戦 札幌４－２店 -- 地圖

吸收左第一次嘅經驗，再一次嚟就學精左點食。

今次自以為好醒噤只叫左三種蟹任食同一支「生菠蘿」，亦終於識用支鐵捧同較剪，唔使meet到手都軟。

係就係食快左，不過個胃都係得噤大，食左一轉之後已經飽左七成，再食多兩隻ズワイ足就搖白旗，真係無可能再食多隻毛蟹。

味の時計台 駅前店 -- 地圖

再三次幫襯味の時計台，都係覺得佢係最好食，最鍾意食係最平嘅味噌ラーメン。

點解個碗同之前唔同左?

順帶一提其他排位

味の時計台>>一蘭=博多ラーメンの一風堂>函館 麺や 一文字>>麺創房無敵家

話曬札幌都只算係一個城市，

無論點計都作為首都嘅東京理應周街都係型人，

但係事實並非如此。

星期六日光日白響札幌街頭，

見到貌似大學生著杏色斜紋短褲加紫色波襪再踏粉紅色車架嘅單車，

唔好誤會，該學生係男性!

開頭以為自已突然去左原宿。

~~另外覺得日本型過香港n倍嘅單車車架會留待「行」果篇繼續講。連一個唔識踏單車嘅人都可以開半篇blog嚟講車架，其實香港人係咪應該要檢討下呢?

點知到第二日又再見到類似裝束，不過今次總勁，係粉紅色legging響面前走過，

都唔好誤會，該學生仍然係男性!

以為自己色盲...又或者撞鬼。

反而原宿同日本經濟一樣，無咩驚喜。

黑黑白白灰灰.....好悶。

或者我唔應該噤大反應，連札幌駅前通都有ZARA同Franc franc，

其實札幌遲早會變到同東京一樣。

好彩函館都總係鄉村地方遮。

玩酒店大亨。

執相。

upload相。

噤就無左個星期日!

唯有下個星期先開波寫「矇閉閉北海道東京橫濱之旅二零零九」。

有次同朋友傾開用咩方法執行李，

先知道原來有一半人都有張旅行check list。

總要係每次去旅行都羅番之前嗰張出嚟，再從頭睇一次有無咩遺留，

有嘅話再響check list到寫低。

出發前兩日~~兩日?先將所要物品執出嚟，出發前一日先點算所需物品，

最後再放入gip入面。

另一半人就好似我噤，如果係早機，臨瞓前執行李，如果係晏晝機，總要係出發前先執行李。

執行李第一部係打開個gip，一邊幻想依次最底到最面，最左都最右係放d咩，

一邊將所需要嘅物品放入去，成個過程都唔使一個鐘。

反問朋友點解要寫check list?佢地就話試過唔寫會執漏。

不過另一半人包括我都反應驚奇，如果叫我跟張check list執反而會漏，因為寫果時經己漏左...

同埋灘長嚟執會唔記得自己執左d咩，反而又要番箱倒籠睇一次。

題外話

有無人可以介紹下一個儲存cd方法，可以令到所有cd整齊排列慳位兼唔使一分鐘就可以找到所需cd呢?

iTunes幾時先加埋個bar code機可以"do"cd呢?

可以早三百六十日訂機票。

呢個世界真係好多有錢人。

有錢到將三百五十九日之內嘅所有機位都留起，到最後一刻先決定去邊。

水中酒店真係唔多，總要九成都響馬爾代夫。

吉隆坡英文名係Kuala Lumpur，有次去旅行睇national geographic channel見到，總非常大鄉里噤以為係唔知邊個南非國家。

長灘島英文名係Boracay，成日聽人地講去潛水都唔知佢有個噤嘅中文名。

好奇怪香港竟然無直航機去Boracay，所以最終都無揀到呢個地方。

可惜二月唔係去峇里嘅好季節。

沙巴Sabah首府係Kota Kinabalu，香港人叫亞庇，大陸人叫KK島，原來全部講緊同一個地方。

book機位時早機無論係港龍定馬來西亞航空都full左，早五個月wo，總想點?

題外話

咩原來尋日三十六度，唔怪得去到劉星花園無人...

不過都食左好多麻辣鴨腎，攪到今日食大閘蟹時不在狀態...

圓方佐藤養助稻庭

喜來登蠔酒吧

一直想食佢嘅sunday bunch，因為有生蠔任食。

可能希望越大失望越大，我嘅總結係無咩特別。

如果你係好鍾意食生蠔，鍾意程度係一次過可以食超過兩打，總可以食得落其他野，都值得去一試。

覺得最好嘅竟然係鱸魚同紅白酒香濱...

想知道個日食左d咩，可以去呢道同呢道。個作者坐響隔離。

點解我會知?因為佢影甜品果時我arm arm響後面經過，同埋隔離枱好嘈。

圓方佐藤養助稻庭

計都無噤準。

方老師望穿秋水為左食佐藤養助烏冬，每隔一個月打一次去問個cs到底幾時開幕，

竟然噤有緣份行行下街撞arm尋日開始試業。

試左冷烏冬醬油味同三重奏-響日本個web site到唔覺有，可能係wellmart自己唸出嚟。

本人都係鍾意食讚歧烏冬多d。

先有無攪錯

一.新航假期星期五出左價錢，星期六打去問，哥哥竟然話要後補機位?唔通一隻機得兩個位?

二.再上安運同斯里蘭卡假期網址係仍然未出價錢，到底個package係咪又係經已唔存在呢?~~近來的口頭禪，原因係好多野都「突然間」唔存在。

三.又試下散買啦，上zuji查到馬來西亞航空總有機位，價錢總要係五千幾。唸住即買，點知按Select後竟然話

「As we are searching live availability, prices can occasionally fluctuate. Please note that the price for this offer has increased by HKD 14,458.」

^#%$*%^@#$%^&???!!!

四.zuji查唔到新航同斯里蘭卡航空有機位，再上埋佢個網去查，新航係有不過要萬幾蚊，斯里蘭卡就無。

五.終於明白點解個個有錢人都有駕私人飛機。

最終回.希望提早一日會有機位啦。

後引頸以待

一.陶吉吉終於出碟喇!略聽左一次，感覺係「有rock到咩?」

二.swing竟然又出番碟，心情低落攪到買左都未聽。

三.真係好想去馬爾代夫呀......

哈爾濱 -- 好想去睇冰雕。不過來年二月中先大年初一好似唔多適合。

柬埔寨吳哥窟 -- 好想好想去不過唔想跟團，又驚自遊行唔多安全。

馬爾代夫 -- 最想去不過價錢真係好貴，但係d酒店同個海真係好正。

不過好快有得浸溫泉同食毛蟹喇...

第一，又睇左一齣好好睇嘅電影。

對於Quentin Tarantino嘅電影只睇過Pulp Fiction，睇左電視台版好多次都唔明佢講咩，

可能最好嘅畫面已經剪曬，成日聽人地話佢嘅電影最有感官享受，今次終於明白。

想睇Inglourious Basterds係因好奇，一直未有機會響戲院睇昆頓塔倫天奴嘅電影，

再加上好奇Brad Pitt為何會肯做呢個角色，結果漏夜買左戲飛。

一套cult片係要襯番個cult戲名，希魔撞正殺人狂-香港戲名我就覺得譯得幾好，如果用台灣戲名惡棍特工我就覺無咩特別。

如果中學歷史考試羅三十分，對二次大戰零知識，連希特拉都唔知係邊個，都值得入場親身感受。

我係第一次睇電影睇到角色被人打，或者被虐~~我唸唔到第二個好d嘅詞語，連自已都痛埋一份。

如果你識少少德文，對德國文化又愛又恨，就更加值得入場觀看。

因為片中對美國人，德國人，法國人嘅生活習慣同對人對事嘅睇法寫得好透徹同直接，一定會找到不少同感。

相比之下，雖然演員做得好，導演同故事太好好令其他部份比下去。

總括而言，Inglourious Basterds好德國。

網上有人話都唔明點解套戲要分唔同章節，甚麼一二三...好悶。

但如果你接觸過德國人就會明白。

第二，又食左好好味嘅牛肉火鍋。

繼星期二食過太子牛陣後唸唸不忘，星期六立刻book左apm分店再食。

今次方老師同我共食左三碟和牛同一碟豬，夠曬皮!!

力奇嘅牛肉係靚d，不過牛陣任食，總想點...

牛肉呀.....

第三，終於搵到里程錶。

早知即場試埋啦。

有黑必有白。

想買紅色鞋，vans太紅，camper無碼，唯有再搵啦。

上星期睇過期milk知道今年係sony walkman誕生三十週年，

睇下睇下先發現老豆部walkman係叫wm-2，原來當年勁hit...

不過老豆都係正宗麻甩佬點會買紅色，只會買灰色。

show紅色張相係想話俾大家聽個黑架係用嚟夾褲頭，唔係放入袋。

我一路以為部機只係總多古董電器之一。

順道睇埋我隔離個白色撥輪電話，我屋企真係好多古董。

到尋日又係睇過期milk講米谷美久逝世，他嘅成名作olympus pen今年誕生五十週年。

老豆唔係買pen series，而係買左XA。

唔講唔知原來xa嘅外型設計係攞獎wo。

當年未買數碼相機之下，我嘅大學畢業相其實係用呢部相機影嘅。

突然覺得好gossip girl，對於年輕時嘅父母，我又知道幾多呢?

星期一: 落雨

星期二: 又係落雨

星期三: 都係落雨

星期四: 總係落雨

星期五: 同上

星期六: 終於出太陽，總熱死人...點解唔係黑，就係白?

心情同天氣一樣，好厭悶。

題外話

聽聽下moov，繼麥玲玲rap歌後，連薛家燕都rap埋一份，總要係purple姐姐填詞羅，咩事?

我懷疑哈利波特住我家隔壁

跟穿著prada的惡魔互相聯繫

誰迷失在東京 吃了濃情巧克力

是不能說的秘密 闖進重慶森林

共度過豆豆假期

寫成一本明天的記憶

在最想念的季節之際

於是哈利遇見了莎莉

要向左走還是向右走

如果愛也能夠甜蜜蜜

愛我 就陪我看電影(燈光變暗)

華麗的映像旅行 (幕已拉起)

進入另一個關係 (我愛看電影)

我計劃要搬進愛蜜莉的異想世界裡

聽見你在世界的中心裡呼喚著愛情

你要羅馬假期　遠離非洲也可以

就是千萬別搭上鐵達尼

瘋狂石頭小心

變成摩托車日記

都是夢想的練習曲

看西雅圖夜未眠星星

希區考克後窗的風景

我聽見了月亮的聲音

色戒才有真善美之地

慢慢慢慢慢慢慢慢慢慢蒙太奇

DA LA DA…………動畫三D

在這個沒有界限的世界

無翅膀飛行 沒有時空限定

幕~已揭開 夢想序曲

看電影 屏住了 呼吸

張大了 眼睛 風吹草動都是風景