I am at lounge using free internet access which is provided by airline.
Many foreign ppl around but I can't see or hear any HK ppl...
All of them take same flight with me to Samui??
Unbelievable...

P.S. Nothing special in the free lounge.
Got something to eat...but the appearance is bad, Nice sofa... better than the seat next to the gate.

I still have 2 hours to wait...

五零二題目:令人氣結的銀行服務。

第一段>星期三下午收到一個關於信用卡問題嘅電話的對話詳細內容。

第二段>不知所謂嘅服務態度。

第三段>回想近年來該銀行響櫃員機上所做嘅可恥行為。

第四段>結論:怪不得該銀行股價會跌破七十五蚊。

五零三題目:呢一年係近幾年來入戲院次數最多嘅一年。

第一段>因為羅素高爾而看的叛碟同謀。

第二段>因為聞說係最出色歌舞片嘅歌舞青春。

第三段>??海角七號??

第四段>結論:我幾耐無入戲院看過港產片?

五零四題目:兩極人，一極面對任何事只會找相同之處，另一極面對任何事只會找不同之處。

結論:雞同鴨講。 致肥二十二題目:金鳳大餐廳，橋底辣蟹，生記海鮮飯店，客家好廚

近來的新賓客。

點知整完個templete template之後就乜心情都無曬，

煩爆...

其實寫乜都無人睇啦，寫四個英文字母咪得羅，快靚正！

梗係買多d澳元啦。

梗係買番兩手滙豐啦。

梗係暢定d歐元啦。

梗係買多兩張機票去旅行啦。

嘩，好平呀。

買車又平，買樓又平。

不過我無錢買。

人家一年買手提電話嘅錢可以買架車，

我唸我去旅行呀，買牛仔褲呀，買波鞋呀，搭的士d錢加加埋都可以買架車喇。

咳死人喇......

有唸過不如去:

曼谷啦，住文華東方啦，有得做spa。不過計番交通錢，食野錢好似差唔多。

布吉啦，住banyan tree啦，交通洗費平d。不過睇完package價錢之後，譁!乜噤貴ge。

本州啦，大阪仙台都未去過，又想去多次橫濱。不過無理由初冬秋末去北方嫁，紅葉又落曬喇，影相唔靚wo。

北海道啦，又可以食毛蟹wo。不過都係留番下年同小玉同學去。

所以結果都係堅持原先唸法，

朋友p，你都係同蘇梅島無緣份lu。

一波三節，估唔到尖沙咀gigasport竟然裝修，oxbow都轉左季喇，都唔知點算。

順帶一提，Patagonia d男sales總係好smart。

不過根據過往經驗，呢類型工作響不久將來會變成同自己職位有關嘅工作。

做完一日，呀唔係，係兩日核數師嘅感覺係，

會計係一樣非常沉悶嘅工作。

人工高唔係代表工作困難度，而係代表工作沉悶度。

無論係朋友間嘅聚會，睇電影、電視，

甚至係返工同客講電話，~~無錯，同客講電話唔係講公事，傾得最耐係講私事。

最鍾意係聽人地講自己生活上嘅經歷。

朋友恩說佢有兩個奇怪親戚，

其中一個鍾意電筒，

唔係唔同款色嘅電筒，而係鍾意電筒入面有唔同燈泡，唔同波長嘅燈泡。

奇怪親戚每次有新產品時，就會攞出嚟示範，例如係燒穿個膠袋。

另一親戚就好鍾意公仔，隻眼好大，著住好多唔同款式嘅裙。

公仔多到間房都唔夠位擺，要擺到出廳。

朋友恩話好驚同佢地講野，但係又唔可以唔同佢地講野，又唔知同佢地講咩好...

我當然有將呢件事同小玉同學講啦，

不過佢第一個反應就係，你個朋友都怪啦，唔鍾意講咪唔講羅，洗咩又要同佢地講野，又要話難溝通遮。

嚇?

其實朋友恩都係想講佢嘅經歷出嚟，

表達下意見，舒發下情感，講下佢心情有幾噤矛盾，講下舒服d遮，

唔洗噤理性唸佢做得arm唔arm羅。

識朋友同睇飲食節目一樣，

鍾意個主持，當然要睇，

唔鍾意個主持，更加要睇，唔睇過你又點知你係咪唔鍾意你介紹嘅野食呢?

睇完唔一定要試遮。

題外話

死啦，點解我細個響澳門做個d野同蘇絲黃噤似?

同會計表哥相處一天，發現香港有好多有錢人。但係就無有品味又識享受嘅有錢人。

到呢刻為止，我覺得無論係婚禮同葬禮都係一個儀式。

分別在於婚禮係分享喜悅，而葬禮係分享悲傷。

今日看報紙提到韓國人一般由死亡到下葬只需要三日，並不像香港要半個月。

我唸世界上無邊個地方可以耐得過香港，即使只得一間殯儀館嘅澳門，都只需兩日。

唔知係咪澳門人比較專重傳統呢，參加過幾次香港同澳門嘅葬禮，

最明顯嘅分別係無論係儀式，服裝，祭品上，澳門都比較傳統。

澳門嘅一定唔會見到紙紮手提電話，遊戲機之類啦，

反而會睇到嗰道死咗會過嘅不知明橋啦，塞滿金銀嘅大屋啦，道士會依足規舉做曬所有儀式。

香港政府成日都話倡議環保葬禮，話可以降低成本wo。

我話不如整多幾個火葬場啦，

要d親人等成半個月，噤咪重痛苦過羅多幾千蚊出嚟?

順帶一提

返左噤多次澳門，

都未試過個船長開船時會開咪講

「因為海面風浪好大，非必要都唔好離開坐位。如果有安全帶嘅請扣上。」

而成程船好似坐海盜船噤，個patpat係離開個位， 好彩晚黑唔係食左好多野。

總要成個半鍾先返到香港，坐十幾個鍾飛機都無噤攰。

銅鑼灣總統戲院對面愛爾蘭瘋薯

銅鑼灣東角Laforet板長壽司

中環威靈頓街北京王府水餃

一直都想響香港搵一間正宗北京水餃。

北京水餃係無湯，可以係蒸又或煮，個皮係白色厚過廣東水餃小小，

但係絕對唔係響香港一般上海餃子噤厚皮。

至於內饀，響北京食過咩都有，總之係可以食得落肚都可以包餃子。

全部饀料都係切得好幼細，香港無論邊到食餃子，都係攪到一pet野，好鍾意落好多水好多生粉，都分唔到邊d係肉，邊d係菜，邊d係菇。

王府水餃係食過做得最似北京或者叫天津嘅水餃。

當然價錢係貴過北京好多啦，天津百餃園普通白菜豬肉餃賣緊三蚊六隻，呢到賣二十幾蚊十隻。譁!你話貴幾多倍喇。

所以食過一次都無再去食喇，唔係話唔好食，係當你知道人地賣緊三蚊六隻總要好食嘅時候，就唔會再食得噤密囉。

食左白菜豬肉餃，韭菜豬肉餃，京蔥羊肉餃，炸醬麵。

北京麵我到而家都係唔識欣賞，可能我都係鍾意食爽口彈牙嘅廣東麵。

至於白菜豬肉餃同韭菜豬肉餃都好食，價錢比較平。

京蔥羊肉餃總多汁總好食，不過價錢較貴囉。

最大問題係我食餃子要食好多先飽，~~有懷疑過自己係北方人，

多係指最少兩打半。

唯一美中不足係如果有埋蒜頭醋就最好喇。

銅鑼灣總統戲院對面愛爾蘭瘋薯

去試唔係為左佢嘅芝士薯條，因為outback嘅芝士薯條已經好好食。

最主要係為左薯寶，自從kfc無賣之後就再無食過喇。

終於可以食到薯寶喇。

所以薯寶係有一個芝士波波，因為我鍾意食。

招牌芝士薯條太鹹，四分一個芝士波波。

銅鑼灣東角Laforet板長壽司

去完就知點解d人食完會肚痾。

好處係可以獨立一件件叫，料係唔差，但係唔會再食囉。

深宵有點冷抖顫於綿被

忽感到一抹苦澀的甜美

溢滿半空的氣味 記起你

一早記不了是誰遭離棄

今天各找了路途給自己

嘗試去憶起故地 太依稀

乍短的偶遇 長久的隔開

難以置想確實曾相處

雙方似並行直線

從角叉角度相遇

曾經交錯但離去後不會再遇

一刻有想過貿然找尋你

講聲你好嗎彷似知己

但怕要呼吸那份 陌生味

乍短的偶遇 長久的隔開

難以置想往日曾相處

雙方似並行直線

從交叉角度相遇

曾經交錯但離去後不會再遇

有想過 重遇應該不錯

卻清楚 就算再遇卻怎麼

時地已過

雙方似並行直線

從交叉角度相遇

曾經交錯但離去後不會再遇

終於會越行越遠

時機走過勒不住

曾經交錯但離去後不會再遇

愛名牌

淨係去下米蘭站，去下名店，上下網睇今季新到款色。唔夠。

淨係博曬命噤儲錢，為左買個新款又或者係去外國買限量版。唔夠。

應該係響返緊工嘅時裝店，一路收緊錢，一邊聽到個客同另一個朋友講緊佢個朋友個男朋友用緊個LV超大疑似女裝銀包。

跟住忍唔住加把嘴問「係咪中間可以打開，一邊放支票簿，一邊放錢嫁?總有一款係可以放散紙嫁，不過要加多五百蚊。」

貪靚

淨係響出街前一晚襯好曬聽日嘅衫。唔夠。

淨係每經過有鏡嘅地方都照一下。唔夠。

應該係又戴con又戴眼鏡，因為戴眼鏡個樣好睇d但係塊鏡片太厚又唔好睇。

迷偶像

淨係買曬所有產品，包括報紙，雜誌，相，唱片。唔夠。

淨係儲起所有贈品。唔夠。

應該係響夜媽媽嘅時候，山長水遠羅把梯去連鎖快餐店拆左人地掛起門口嗰張巨型海報。

對食有要求

淨係上openrice睇曬人地d食評。唔夠。

淨係響個blog到寫邊間餐廳好，邊間唔好，post曬d相出嚟。唔夠。

應該係連響公司叫外賣，都可以講出邊間食店有邊幾樣嘢可以叫，又有邊幾樣嘢唔可以叫。

不顧一切去愛一個人

淨係唔理父母反對，偷偷地去同隔離班嘅同學拍拖。唔夠。

淨係book定一年內嘅機票，每逢假期去外地會情人。唔夠。

應該係拍左拖七年，連喜帖都派埋，臨結婚前一個星期為左一個新相識兩個月嘅女朋友唔結婚。

無聊

淨係放假上網玩五個鍾古惑仔online。唔夠。

淨係...唸唔到有咩無聊野tim。

應該係返工有一半時間無野做又唔上得網係噤玩踩地雷*。

*最慘係玩到接近尾聲死左又唔出得聲。

從前上網

開icq。

看下有邊個上左網，可以傾下計，send番d相俾佢先。

開outlook express。

check下email，從前的yahoo，hotmail，hknet到i-cable嘅電郵都有pop3 account。

到各大newsgroup，如pchome，hkstar，搵下有咩小道消息。

開netscape bookmark/netcaptor My favourite。

~~netscape連網頁無埋tim。

到tucow看下有咩新software download。

到pchome看下有咩新game。

到學校web download notes。

到friend嘅homepage看下無有咩update。

到蘋果看新聞。

甚至將bookmark upload上網，因為無bookmark會死!

而家上網

開outlook。

check下email，而家嘅yahoo，hotmail到i-cable嘅電郵都無左pop3 account。

估唔到gmail竟然有，所以唯有將所有email都轉去gmail啦。

未必開msn。

就算開都係一句起兩句止。

可能開ie。全因為facebook響firefox到行得唔順，即使用埋ie tab都唔多點。

暫時發現facebook好處係可以將自己嘅唔同地頭用一個platform link埋一齊。

無論你係個blog響地頭s，d相響地頭y，通通可以連埋一齊。

另一好處係可以tag番人地d相。

壞處係好慢同埋用唔到firefox。

關左ie，因為真係好慢，係成架機都慢。

開firefox。

首頁經已設定為google reader，一login已經自動將所有常去嘅website已update嘅內容show曬出嚟。

唔知下一樣會死嘅係咩呢?

題外話

為防止下年小玉同學唔記得點樣慶祝生日，所以要寫低，

今年小玉同學生日係去左小纜燒野食。

好熱，所以破天荒坐到四五點先開波。

我叫左自選壽司十六件

小玉同學叫左北海道魚生飯

雖然好貴，不過兩樣都好新鮮，好好食。

價錢同質素成正比。

要搵一次去食晚黑先得。

如果峰壽司係有一個芝士波波，呢餐飯係有二個半芝士波波。